PDA

View Full Version : Khuda jo 14 say mohabbat karta ha wo Inhain 1400 saal say rota daik


Mohsin Kazmi
30th November 2009, 10:23 AM
Moala AJFS Madad

''Mainy aik sawal Maddah bhai sy PM k zarye keya jawab ko perh k us main naey naey sawalat pada hoty gaey aur main who sawal bazarya PM karta raha aur who Mujhy un k jawabat daty rahy . ab bat kafee had tak clear ho gaee hy is leye main ny soocha keh forum k baki membran bhe is sy mustafeed hon is ley main apny tamam sawalat aur Maddah bhai k tamam Jawab aik he thread main laga raha hon. umeed hy keh yeh sawal mari tarha sy ap k ilm main bhe izafay ka zarya banaingy....
,,



Posted BY Mohsin Kazmi

Maola Madad
Maddah bhae maire new posts add nahe ho rahe....laiken posts k repli likhay ja rahay hn...ye error aa raha ha.....shaid expire ho gaye date..?

"Your submission could not be processed because the token has expired."



waisay mujay o ye laga ha k main jo question post krnay laga tha.....ho skta ha wo site pr openly poochnay waala na ho....



question ye ha...


Koi shakhs apnay mehboob ko aik lamhay k liay bhi rota nahe daikh sakta.......To phir wo Khuda jo 14 say mohabbat karta ha wo Inhain 1400 saal say rota daikh kr kis vaja say khamosh ha......?????


agr sawal theak ho to site pr bhi laga dain.....





Posted By Maddah Bhae

Expite wala to koey masala nahee hota .... baki malik bahtar janain. key keun asa hooa hy .. is ka jawab asal main agar main likhoon ga to phir ho sakta ha sab ko samaj na aay aur wo easily accept na karain keunkeh sarkar ny is bary jo kuch farmaya hy who bahut Marifat waly ko samajh aaey ga....
abhee zara nechlee class chalny dain forum py to bahtar hy ,.... keunkeh yahan mix loog aty hain aur yeh phir Allah tala ke shan ko ghatany walee bat na samajh lee jaey ...
is ley normal normal chalain.............PM k zarraiye aap pehlay clear kr lain takay koi confusion na rahay..........
thanks

shayed isi leye yeh error aya hy

Malik apni nigah e shafqat hum py rakhain takeh hum koey bhe asa kam na kar sakain jis sy un k mission ko kisi tarha sy nuqsan ho saky
ameen


<!-- / message --><!-- controls -->

Posted BY Mohsin Kazmi

waisay us qs ka ans thora clear kr dain....mujh say kisi ny poocha tha.........

mairay mutabiq is ka ans ye ha...

Jaisa k aap ny aik repli mn likha tha k yazeed k lashkar sy kisi Hur ka wait kr rahay hn MALIK PAK.....qk MALIK PAK khud ye chah rahay hn k k Un k man'ny waloon ko moqay dia jaiy takay un pr azaab na aay.......Khud takleef bardast kr k Inteqam ki hasrat le k sirf humain moqa dy rahay hn.....ye mohabbat ki inteha ha

Kia ye theak ha..?..aap thori waza't kr dain....


Posted By Maddah Bhae

je jo ap ny soocha who bilkul thek hy yeh to yeh hooa keh Shahenshah pak keun dair kar ray hain aur agar is sawal ko agar us sence main leye jaey keh Khalik keun dair kar raha hy to phir wahan kuch aur jawab aaey ga
keh Khaliq Majboor hy ......
Majboor is snce main hy keh us ny apni Marzian is pak khandan k saupoord kar dee han aur sb kuch in ke marzi py choor deya hy isi leye to momineen ko keh raha hy quran pak main keh Tum bhe intazaqr karooo aur main bhe tumhary sath Intazar main hon...
yeh Majboori koey ikhtiarat ke nahee hy who qadir e Mutlaq hy... yeh majboori Mohabat ke hy ....payar kehy ...
keunkeh us ke detail main jany ke ley Hadees e qudsee ke taraf jana pery ga jahan Khaliq e kainat ny barmay hy keh

''jo talab karta hy who mujhy paa lata hy
jo mujhy paa lata hy phir who mujh sy mohabat karny lagta hy
jo mujh sy mohabat karny lagta hy phir usy mujh sy Ishq ho jata hy
aur jisy mujh sy ishq ho jata hy main usy qatal karwa data hon
aur jab who qatak ho jata hy to
phir us k Daiaet main ban jata hoon '''

bat yeh hy keh is hadees e qudsee py sirf pak khandan poora urarta hy aur koey nahe keunkeh har koey apni hujat py qurban ho raha hy
jasy hamary ley Pak khandan hujat hain asy he unhoon ny farmaya hy keh hamry ley Hudaj Khaliq e kainat hy ....who jainy un ka masala
bahar hall yahan khaliq mohabat k hatoon majboor hy us ny Door apny Mahbook k hath main dy dee hy keh jasy marzee aaey karoo sb ap ka apna hy ab
phir is k bat sawal aaey ga keh yeh zat e pak ab keun dair kar rahy hain to is k jawab bhe bahut hain ...... jo ap ny andaza lagaya hy who sb sy aham hy ....
Umed hy ap ko bat clear ho gaee ho geee
Malik o Waris salamat rahain
Mola dee aman




Posted BY Mohsin Kazmi

phir us k Daiaet main ban jata hoon '''

Maddah bhae is sentence mn (daiaet)
ka matlab samaj nhe aya........baqi kafi had tak clear ho gia......Thanx for explanaton.....

waisay quran pak mn bhi ye farmaya gia ha k wo kon hn jo ALLAH ki marzi ya rizza ko khareed laitay hn....Matlab Masoomeen A.S.W Allah ki rizza k Malik huay.....


Posted By Maddah Bhae

Jeee bilkul who ayet Unhee pak zawat k ley hee aaee hy un ka he tarauf hy us main .. aur to keoy Mai ka lal hy he nahee jo Khalik ke Raza ko khareedy ka dawa kar saky....

aur Shariat ke roo sy jab koey kisi ka qatal kar data hy to phir wahan do tareeqy hain us qatal ka badla lay k ley aur dono main waris ke marzi hote hy keh who konsa tareeqa istamal karta hy
1- Qatal ka batla Qatal
1- Waris koey jurmana talab kar ly aur us Jurmany ko (daiaet) kahty hain

ab Allah ny apny ley Lafz daiaet ko sitamal deya ky keunkeh dosri soorat ka itlaq us zat py hota nahee hy
aur daiaet(Jurmana) lany waly ke marzi hy keh who us jurmany ko kahan istamal kary kasy istamal kary . ab jurmana apni zaban nahee khool sakta keh mujhy yahan istamal karoo aur yahan istamal na karoo

umeed hy ap ko samajh aa gaee ho ge




Posted BY Mohsin Kazmi


Maddah Bhae ab clear ho gia ha wo question...........Kya Us Hadees e qudsi say murad sirf masoomeen hn ya dunia k nehayet parhaiz gar ....muttaqi....rohani...etc....log bhi us main shamil ho sakta hn...??


Posted By Maddah Bhae

mukhtasir jawab yeh hy keh aik lambi laine hy jy ahr koey apny sy Ala py Qurban ho raha hy aur har Ala apny Mahboob ke daiet ban raha hy ... yeh mera apna khayal hy mainy perha nahee hy kahee jasy is tarha sy example dee jaa sakti hy keh
main apny Murshid pak sy payar karta hon un ke nailan py Qurban hony ko tarapta hon
Murshid pak apny Murshid pay(bary sarkar) k ley Qurban hoty nazar aty hain Bary Sarkar ny apna sb kuch Pak k ley qurban kar dey aur pak ghar ny apna sb kuch Khalik k leye
mujhy to yahee samajh atee hy baki Malik he bahtar janty hain



Posted BY Mohsin Kazmi

Maola Madad

Maddah bhae Pehlay aap sy jo sawal poocha tha k Allah mohabbat mn majboor ha us ny tmam ikhtiar Maola ko dy dia ha...........

Is mn ye sawal aata ha k hum phir Allah sy dua q mang rahay hn...??
Allah Humma Kun Ly Wali e Kal Hujjat Ibn il Hassn (ASW).................

issi tarah kuch aur bhi issi tarah ki duain hn wo kis say mangtay hn Q k is sense mn Allah Say to Nahe mangna chaea..........???



Posted By Maddah Bhae

dakhain is bat ko thora sa clear karny ke zaroorat hy kehy Allah keun majboor hy .. Alla Tala ke Zat pak wasy majboor nahee hy keh jasy koey insan majboor jo jata hy yani us k bas sy who bat bahir ho jati hy ... Belkeh khalik e kainat to Mohabat k hathoon majboor hy... aur dosri bat hy keh who Pak khandan aur Khalik ka apsi masala hy Hamary ley to who Khalik he hy .... jasy Bap ho ya dada hamary ley to dono he qabil e sad ahtaram hain aur yeh batana keh kis ka hukam manna chay kis ka nahe kis ka ziada dab keya jaey bahut mushkil hy lahaza hamary ley to Pak Ghar ka farman kafe hy keh who zaat e Bari un ka bhe Rub hy ....
to janab hum apni duain Khalik ke bargah main do sences main paish karty hain pehle keh who khalik hy aur us k ikhtiar main hy is ley us sy iltaja karty hain aur dosri us Zat e pak ko Waseela banaty hain
jasa keh Ya Rub Muhammad o All e Mhuammad ka agarg tarjuma karain to bat clear ho jati hy
''Ay Muhammad o All e Muhammad k Rub .
to Muhammad o All e Muhammad py Salwat bhaij
aur un ky abdi khushion k dor k ley jaldi karwa,,,

yani hum arz kar rahy hain keh hamari zaban to in pak zawat py salwat perhny k qabil nahee hy hamari ap sy iltaja hy keh ab ap hamara waseela banain aur hamri taraf sy un py salwal bhaijain

bas janab kuch is tarha ka mamla hy umeed hy ke ap samajh aa gaee ho ge
Mazeed koey hukam ho to bataey ga
Mola de aman


Posted BY Mohsin Kazmi

Maola Madad

Maddah bhae ab baat clear ho gaye ha.....aap ny dono batain baja farmaein.......Wasilla and ikhtiar.......Thanks..........

Aap ko tang ....means aap sy sawalat and requests jarri rahain gee......!!!!

Waris Pak ki sadda khair..........


Posted By Maddah Bhae

u welcom janab.... jetna chahey ap tang kar sakty hain

acha ab ap k sawal o jawab main bat kafee achy tareeqy sy agy barhee hy aur us main koey asee bat bhee nazar nahee aa rahee jo kisi sy share na kar sakain .. agar ap k pas tamam pm mojood hain to phir ap us ko aik thread ke shakal dy kar keh pehly ap ka sawal phir mera jawab phir ap ka sawal phir mera jawab is tarha sy aik Thread bana k Discussion forum main laga saktay hn.....

Maola Di Amaan

Babar
30th November 2009, 03:30 PM
Maddah Bahi...anad mohsin Kazmi sahab..zara hamain bataya jaye ga ke is sawalon me aur jawabaat me kya mushkil thi???jo chupaye gay??app ko chhaiye tha ke jo swalaat hain wo sab ke samne aate..phir jis ko jo marfat hoti.wo usi ke mutabiq jawab daita...main hairan hon.ke akhir in sawalon ka aur in ke jawabon ka maqsad kya hai??kabhi kaha jata hai ke ansaar ki kami hai??kabhi kaha jata hai Lashkar pura nahi huwa abhi...bahi mere ap ne jo sawalaat aur jawaabat diye hain..main nahi samjhta ke aissa kuch hai..haqeeeqat kuch aur hai..aur wo sab kitabon me darj hai..sab momeneen parh chuke hain..Allah Paak dare kuin kar raha hai???Imam,s Khud kuin nahi aa jate..ye tu bachgana sawalat hain??kya app ne masoomeen(a.s)ke ye jawabaat nahi parhe..jis me tha ke hamare akhri Laal ki gaibat bouhat taveel ho jaye gi.??Log un ke wajood me shak karne lagain gay..jo suche nazar aate hain wo jhoote ban jain gay..akhir in sab baton ke hote huwe..in sawalon ka maqsad kya hai???rahi Allah ke intizar ki baat??tu wo us mani me nahi hai..jis mani me Maddah bahi app keh rahe hain...dekhain her masoom ne Intizaar ka ajar bataya hai..ke kya sawab hai..kya ajar hai intizaar ka..aur aane wale ka intizar kitna zarori hai..Allah ne isi maani me samjhya hai ke tum bi intizar karo.tum ye na samjho ke is ka intizar kuch nahi hai..nouzbillah fazool hai??aissa kuch nahi hai..main khud bata raha hoon ke in ka intizaar ibbadat hai..bara muqaam hai..matlab ahmiyat batai ja rahi hai...aur hamare dua ka maqsad ye nahi hota ke wo Muhabbat ke hathon majboor hain..ya koi aur musalhat hai..aissa kuch nahi hai..warna muje bataya jaye..ke app un rawayat ka kya karain gay jin me hai ke akhir me chaanti ho gi..bar bar chaanti ho gi??in sab rawayaton ka maqsad kya hai phir???itni hadees hain ke kis kis ko bayan kiya jaye...itni waqaiyat hain kis kis ko likha jaye..muje tu nahi lagta ke aissay sawalon ki koi zaroorat bi thi???itni ayaat hain jin ki tafseerain kitabon me hain...aur her tafseer ye bata rahi hai..ke haqeeqat kya hai...muje tu yahan Murshad saain ki wo baat yaad aa rahi hai...aur main hazar baar se Qurban jaon Murshad saain pe.....itni zabrdast baat keh di...ke haqeeqat me un ki taraf se dare nahi..dare hamari taraf se hai...un ko tu apna kharooj nazar aata hai..aur hamain dare nazar aati hai...dua tu isi liy hai ke hum un ke chahne walon me shamil hoon..kuin ke duain hamesha apno ke liy ki jati hain.....baqi app ki apni marzii hai...Alajal Ya Imam e Zamana Alajal....

Noker_Ghazi_da
30th November 2009, 10:53 PM
maddah bhai,aapne maalik k karam say bohat pyare jawab aata fermayee...

hamesha di khair..

Mohsin Kazmi
1st December 2009, 10:06 AM
Babar bhae aap ny theak tarah say ye discussion nahe parhe.....dobara ghaor say parhain gy to to sawal nahe uthay ga......agr pehlay is article ko yahan lagaya jata to tafarqa phailnay ka ziada khadsha tha.....ab baat clear ha to yahan paste kr dia....phir bhi koi sawal pochna chahta ha to us ko koi rok to nahe raha na.....hr koi sawal poochna ka poora poora haq rakhta ha.....aur plz zarra aap mujay ye differntiate kr k bata dain k konsay sawal bachoon waalay hn aur konsay baroon k liay....Dunia k kisi bhi aalim sy koi sawal poocho to wo ye nahe kehta k ye sawal bachoon waala ha.......aap khoa mo kha fatway jaari kr rahay hn......lagta aap 40 to 50 years k hn ya is sy bhi ziada k aap ko sawal bachoon waalay lag rahay hn......aap sy guzarish hy k is article ko 2 ...3 dafa parhain poori twaja sy to ithink samajhny mn koi masla nahe ho ga..............aap ny jtny bhi sawal uthaye un ka inkaar nahe kia gia is discussion mn......Humain kasraat sy dua bhi mangni chaea takay Malik PAk k zahoor mn tajeel ho aur Mukhlis ho k intazaar bhi krna chaea.....

aur aap ny sawalon ka maqsad poocha ha agr is discussion ko ghoar sy prha jaiy to pta chalta ha k MALIK PAK k zahoor mn takheer ki vaja sirf hamari taraf sy ha...
Humain theak honay ka moqa dia ja raha ha.....

I think aap ko baat clear ho gaye ho gee................!!

& plz maire batoon ka mind mat krna.............MAILIK PAK Hum sab ko apni haqeeki maarfat aata farmain...aur Apni Naalain mubarik pr qurbaan honay ki toafeeq aata farmein....AMEEN

Muntazir12
3rd December 2009, 01:28 PM
Dear Mohsin, Maddah Bhai and Babar Bhai!
Maola (SUA) Madad.

Sab say pehlay Mohsin Kazmi aap ka bahut shukria k aap nay sawal madah bhai say clear karwa kr post kiay.
Maddah Bhai aap ka bhi izhad shukria k aap nay bahut achi tarha explain kia.
aur akhir mein aik guzarish Babar Bhai say karnay chahun ga k har insan k zehan mein kuch sawal ubhartay hein jin k jawab ki talash mein insan har wo wasila akhtayar karta hay jo uss k bs mein ho. Rahi baat ahmiyat ki k sawal aham hy ya nahin to yeh to insan k apnay zehan aur soch pr depend karta hy aik sawaal jo aap k liay itnay important na ho mager wohi sawal kisi ki zindagi aur maot ka masla ban jata hy, for example kisi ka koi qatal ho jaey to uss k liay qatil ko saza dilwana ya qatal k badla lainay ka sawall sb sy important ban jaey ga magar yahi sawal un logon k liay jin ka maqtool say koi ta,aluk na ho ghai zaruri ho ga. Iss liay mein aap say guzarish karun ga k forum ka ta,aluk faqat aur faqat Marifat aur Nusrat e Imam (SUA) say hy yahan har mazhab k olg aa kar discuss kr saktay hein aur discuss kartay bhi hein to baraey mehrbani logon ki haosla shikni ki bajaey haosla afzai karain. Forum pr kisi chiz ko discuss karnay ka maqsad hi yahi hota hay k mukhtalif khayalaat k log apnay apnay nazaryat post karian. Iss liay logon ki haosla shikni mat kiay karain plz? Naraz matna plz

Jabir

Maddah Hussain
5th December 2009, 10:43 AM
Bahut bahut Shukria Jabir Bhai ap ny bahut payary andaz man bat ko clear keya hy ... wasy Babar bhai dil k bahut achy insan hain unhoon hy Sarkar Jaffar uz Zaman Naqvi al Bukhari dam Zillah tala ke tama tasaneef perhee hain ... who aksar mujh sy ulajh perty hain keh apny us post main likha hy keh ''Mainy yeh bat pehle bar perhee hy bahut achee lagee'' is tarha ke batain un ko takleef datee hain keh main ny Sarkar ke mehfil main bahut time guzara sb kuch pehaaa aur phir bhe meray ley kuch new hy :)
isi tarha sy Mohsin bhai ko bhe who samajh rahy hain keh koey bazurg hain aur sarkar ke tamam tasaneef perhny k bad bhe is tarha k sawal kar rahy hain ....
to jabir bhai yahan 2ono apni apni jagha py sachy hain ... Umeed hy keh Babar bhai aainda har zaveye sy khayal rakhain gy keh Forum py sharing k keya keya maqasid hoty hain keya keya faidy hoty hain

PAk Waris hamain sb ko apni Nusrat ke mazeeed ziada sy ziada tofeeq atta farmain . apni Marfat e Haqeeqi atta farmain aur loogon tak us ko pohunchanny aur nusrat ke humat , taqat , jazba o tofeeq atta farmain aur Har Har qadam py hamary Nigran rahain ameen [-O<

Mohsin Kazmi
5th December 2009, 12:38 PM
Maddah Bhae aapn ny bahot pyaray andaz mn baat ko samjhaya ha.........
aur
PAk Waris hamain sb ko apni Nusrat ke mazeeed ziada sy ziada tofeeq atta farmain . apni Marfat e Haqeeqi atta farmain aur loogon tak us ko pohunchanny aur nusrat ke humat , taqat , jazba o tofeeq atta farmain aur Har Har qadam py hamary Nigran rahain ameen

Babar
5th December 2009, 01:57 PM
Ya Ali(a.s)Madad..Salam...mere dosto buzargo azeezo aur bahiou....main app sab se mazrat chahta hoon...ke meri waja se app sab ki dil azari hoi...asal baat tu Maddah Bahi ne bata di hai app ko...is liy main kuch nahi keh sakta...sab doston se aik bar phir mazrat....Alajal Ya Imam e Zamana Alajal....